A Tale of Two Sisters - Монгол Хадмалаар

Киноны тухай

Tale of Two Sisters (2003) (Солонгос: 장화, 홍련; үгчилбэл “Сарнай цэцэг, Улаан лянхуа”) бол Ким Жи Үний зохиолыг нь бичиж, найруулсан Өмнөд Солонгосын сэтгэлзүйн аймшгийн кино юм. Кино нь Жусоны үеэс уламжлагдан ирсэн “Janghwa Hongryeon jeon” хэмээх ардын үлгэрээс сэдэвлэсэн бөгөөд уг түүхээр өмнө нь хэд хэдэн кино бүтээгдэж байжээ. Үйл явдал сэтгэцийн эмнэлгээс саяхан гарсан нэгэн охин дүүгийнхээ хамт гэртээ эргэн ирснээр эхэлнэ. Гэвч тэд шинэ хойд эхтэйгээ хамт амьдарч эхэлсний дараа гэрт нь тайлбарлахын аргагүй, түгшүүр төрүүлэм хачирхалтай явдлууд ар араасаа тохиолдож эхэлнэ. Тус кино нээлтээ хийсэн даруйдаа үзэгчид болон шүүмжлэгчдээс өндөр үнэлгээ авч, арилжааны хувьд ч амжилт үзүүлсэн. Мөн 2004 оны Fantasporto кино наадмаас Шилдэг киноны шагнал хүртжээ. A Tale of Two Sisters тухайн үедээ Өмнөд Солонгосын хамгийн өндөр орлоготой аймшгийн кино болж, АНУ-ын кино театруудаар гарсан анхны Өмнөд Солонгос кино болсон юм.